Ang Norfil Foundation, Inc., usa ka social welfare agency nga nagbase sa dakbayan sa Lapu-Lapu nanawagan sa mga ginikanan ug kabanay ubos sa ilang pag-atiman.

Kini ang mosunod:

* Baby girl a.k.a Bravery Pulgo, usa ka puya nga babaye nga gibanabana nga nag-edad og usa ka adlaw nga nakit-an ni Jofil Yongco sa dalan P. Rodriguez, Brgy. Poblacion, dakbayan sa Lapu-Lapu niadtong Agusto 5, 2023, alas 3:15 sa hapon.

Gidala ang bata sa ospital ug siya gi-refer sa City Social Welfare and Development Office sa Lapu-Lapu ug sa Norfil Foundation, Inc. niadtong Agusto 10, 2023.

* Gayl Agujar Calinyahan natawo niadtong Hunyo 16, 2010, ug Jolly BB Agujar natawo niadtong Hulyo 16, 2012.

Ang mga ginikanan sa na­asoy nga mga bata mao sila si Francis Calinyahan ug Ivy Agujar a.k.a Everly Precillas Agujarm kinsa namatay niadtong Agusto 2, 2017.

Ang uwahing address sa magtiayon naa sa Barangay Tejero, dakbayan sa Sugbo.

Ang mga bata gi-refer sa Barangay Tejero-GAD focal sa Parian Drop-in Center kaniadtong August 10, 2017 pagkamatay sa ilang inahan kaniadtong Agusto 2, 2017 ug walay makaatiman sa mga bata tungod kay ilang amahan usab napriso.

Niadtong Enero 26, 2018, ang duha ka bata gi-refer sa Norfil Foundation, Inc., ubos Foster Care Program aron sila maalima sa usa ka foster fami­ly.

Uwahing nakabisita ug nikontak sa Norfil ang amahan sa mga bata niadtong Pebrero 15, 2023 ug hangtod karon wala na kini mokontak.

Kinsa kadtong dunay kasa­yoran o paryente niining mga bata, palihog pakigkita o motawag sa (032) 340-5722 ug pangitaa si Angelina A. Dungog, area manager o Kristien Jane M. Bitago, social worker sa Norfil Foundation, Inc., Airbase Road, Sangi, Pajo, Lapu-Lapu City sa labing dali na panahon.

Kon walay motu­nga nga ginikanan/paryente sa bata sulod sa tulo (3) ka bulan, ang bata ipaubos sa “legal abandonment” pinaagi sa Department of Social Welfare and Development ug sila maisyuhan og Certificate as Legally Available for Adoption base sa Republic Act 11642. / PR


Source: Sun.Star Superbalita (https://www.sunstar.com.ph/article/1972957/superbalita-cebu/balita/panawagan-sa-ginikanan-kabanay-sa-mga-bata-ubos-sa-pag-atiman-sa-norfil)