Nasikop ang usa ka lotto outlet teller atol sa buy-bust sa mga sakop sa Philippine Drug Enforcement Agency (PDEA)-7 sa alas 6:30 sa Lunes sa gabii, sa Purok -7, Barangay Lourdes, lungsod sa Panglao, Bohol.

Sila giabagan sa mga operatiba sa Panglao Police Station.

Ang suspek giilang si Noli L. Clet, alias Ondoy, 32, kasamtangang lotto outlet teller sa lungsod.

Ang shabu nga giingong nasakmit gikan kang Clet mokantidad og P442,000 base sa standard drug price (SDP).

Ang tigpamaba sa PDEA-7, Liea Alcantara, nagkanayon nga ang dinakpan gi-monitor sulod sa usa ka buwan sa dihang dunay usa ka tawo nga nihatag og impormasyon kalabot sa ilegal nga kalihukan.

Si Clet giingong maka-dispose og shabu matag semana nga moabot og 200 gramos.

Kasong kalapasan sa R.A. 9165 kun Comprehensive Dangerous Drugs Act of 2002 ang atubangon sa suspek.

Source: Sun.Star Superbalita (https://www.sunstar.com.ph/article/1951661/superbalita-cebu/balita/teller-sa-lotto-dakpan-sa-buy-bust)