Ang Smart, wireless arm sa PLDT Inc. (Smart), malipayon nga nibalik sa iyang hingpit nga pagsuporta sa Sinulog festival sa dakbayan sa Sugbo, nga giila nga labing dakong kapistahan sa Pilipinas niadtong Enero 15, 2023 o ikatulong Dominggo sa Enero matag tuig.

Kini human sa duha ka tuig nga nahunong ang linawas nga kalihukan tungod sa pandemiya sa Covid-19.

Sa miaging Sinulog, ang Smart Communications, Inc. (Smart) nakigtambayayong sa lokal nga Kagamhanan sa Dakbayan sa Sugbo ug Sinulog Foundation Inc. (SFI).

Subay sa tradisyon, gipasidunggan sa mga Sugbuanon ang ika-458 nga piyesta ni Señor Santo Niño pinaagi sa mga mabulukong parada, konsyerto, pageantry, ug kompetisyon.

“We are thankful for our partnership with the Local Government of Cebu City and Sinulog Foundation Inc., which allowed Smart to be part of the grand comeback of Sinulog. This gave us an opportunity to bring an epic festival experience to both locals and tourists, and offer Smart subscribers perks and rewards for their loyalty. We also boosted our SIM Registration efforts by providing on-ground assistance via booths to keep them connected,” matud ni Lloyd Genesiran, Junior Manager ug Sinulog Festival Lead sa Smart Go-to-Market and Subs Management.

Gipakusog sa Smart ang nagkalainlaing kalihukan sama sa Grand Sinulog 2023 Ritual Showdown, Ms. Sinulog Festival Queen 2023, ug pribadong kalihukan sa Sinulog Night ug uban pa.

Ang kasaligan nga wireless connectivity sa Smart nakapahimo usab sa media entities ug festival goers nga maka-livestream sa mga panghitabo, nga nagpakaylap sa Sinulog nga kalingawan ug kalipay sa tibuok kalibutan sa real-time.

“It has been five years since I last joined the Sinulog Festival, and the good thing about the availability and reliability of Smart’s network is that it enabled me to relay my experiences through livestreaming. I also got a lot of positive reactions and comments from my friends and family abroad who were unable to personally join the festival. At least they were able to celebrate with us through my real-time video updates,” matud ni Rudolfo Lara, usa ka overseas Filipino worker (OFW) sa San Francisco, California.

Sa pagpaabot sa daghan kaayong motambong sa festival, ang Smart nipahimulos usab sa kahigayunan sa pag-imbitar sa ilang mga kustomer nga magparehistro sa ilang mga SIM pinaagi sa pagbutang og mas accessible nga SIM Registration booths sa palibot sa dakbayan sa Sugbo.

Si Delilah Escobar, usa ka senior citizen nga taga barangay Lorega, nipadayag sa iyang kalipay sa pagkompleto sa iyang SIM registration sa Smart’s booth sa Plaza Independencia.

“I’m happy to find SIM Registration booths around the city to assist senior citizens like me nga naglisod sa pagparehistro sa ilang SIM kay walay makatabang nako sa balay. Salamat, Smart, alang niining talagsaon nga inisyatibo.”

Sama sa gimando sa SIM Registration Act, nga nagtumong sa pagsumpo sa pagdagsang sa text scam ug uban pang mobile phone-aided criminal activities, ang Smart ug TNT nagpadali sa pag-deploy sa SIM Registration booths ug touchpoints sa tibuok nasod, pinaagi sa pakigtambayayong sa LGUs, partner nga mga tindahan, ug mga distributor sa rehiyon ug probinsya.

Ang mga touchpoint nagtanyag og tabang sa mga kustomer sa Smart ug TNT nga nanginahanglan og impormasyon kon unsaon pagparehistro sa ilang SIM, ingon man paghatag og pisikal nga tabang sa mga kustomer nga adunay espesyal nga mga kahimtang - mga tigulang, mga tawo nga adunay mga kakulangan, kadtong naggamit pa sa mga batakang telepono.

Gihatag usab sa Smart ang ilang SIM Registration portal http://www.smart.com.ph/simreg niadtong Disyembre 27, 2022. Pinaagi niini nga plataporma, minilyon sa mga kustomer sa Smart ug TNT ang dali nga nakaparehistro sa ilang mga SIM.

Gihimo usab sa Smart ang SIM Registration nga mas sayon alang sa mga postpaid subscribers, nga kinahanglan lang nga kumpirmahon ang personal nga impormasyon ug mga ID nga ilang gisumite alang sa ilang aplikasyon sa postpaid plan.

Aron mabuhat kini nga kumpirmasyon, ang mga subscriber kinahanglan lang nga mo-text og YES ngadto sa 5858. Unya makadawat sila og mensahe sa kumpirmasyon gikan sa Smart sa malampusong SIM Registration.

Gitambagan ang tanang kustomer sa Smart ug TNT nga magparehistro sa ilang mga SIM sa dili pa ang deadline nga gitakda sa balaud aron magpabiling aktibo kining mga SIM ug makatabang sa pagpakigbatok sa scammer ug predator online. (PR)


Source: Sun.Star Superbalita (https://www.sunstar.com.ph/article/1951641/superbalita-cebu/balita/smart-misuporta-sa-sinulog-2023)