Unom ang patay sa mga sakop sa New People’s Army (NPA) ug duha ka mga sundalo sab ang napatay samtang tulo ang samdan nga naglakip sa 10-anyos nga bata sa engkwentro sayo sa buntag sa Miyerkules, Nobiyembre 23, 2022 sa Barangay Imelda, lungsod sa Las Navas, Northern Samar.

Kini nga taho gikan sa press release sa Camp Lukban, dakbayan sa Catbalogan, Samar human sa engkwentro nga nasugatan sa Joint Task Force Storm sa AFP nga gilangkuban sa Army, Air Force ug Navy sa Eastern Visayas batok sa mga CPP-NPA sa dapit.

Ang tigpamaba sa Joint Task Force Storm sa AFP nga si Captain Ryan Layug niingon nga ang grupo nga ilang gipangita mao ang niatake sa Baryo Dorillo sa kasikbit nga lungsod sa Jipapad, Eastern Samar.

Ang pag-ataki nakasamad sa usa ka 10-anyos nga sibilyan ug duha ka sundalo ug gipatay ang laing duha ka sundalo nga gitahasan sa pag-monitor sa pagpatuman sa mga proyekto sa gobiyerno sa lugar.

Ang pag-ataki nagbilin usab og gatusan ka mga bala nga milapos sa dili mominus 15 ka mga balay, barangay stage, communal toilet ug ang bag-ong natukod nga barangay hall sa nahisgutang barangay.

Si JTF Storm ug 8th Infantry Division Commander Major General Camilo Ligayo miingon nga dili tugotan sa AFP kining mga komunista nga magpadayon sa pagpanghadlok sa mga baryo.

“Hindi naman pwedeng hayaan natin silang labas pasok sa mga kumunidad, nagrereklamo na ang mga tao sa pangongotong at pananakot ng mga ito. We are the protector of our people, locals appeal na kung pwede nga lang wag na kami umalis sa mga komunidad nila at ayaw nila sa presensya ng mga NPA. Sila na rin mismo ang nagtuturo sa amin ng mga hideout ng mga teroristang ito,” matud ni Ligayo.

“We have been calling them to go home to their families, but these group stand by their twisted ideology that killed tens of thousand of Filipinos for their almost 54 years of existence. Paubos na sila sa buong bansa at malapit naring magwakas ang ang terorismo nila dito sa Samar,” dugang ni Ligayo.

Sa laing bahin, mokabat sa 200 ka barangay sa rehiyon ang nakatakdang makabenepisyo sa NTF-ELCAC’s Support to Barangay Development Program (SBDP) karong tuiga nga naghatag og P4M sa mga barangay nga apektado sa panagbangi nga magamit sa pagtukod sa water systems, school buildings, kalsada, health centers nga mapilian sa konseho sa barangay. (PR)

Source: Sun.Star Superbalita (https://www.sunstar.com.ph/article/1946968/superbalita-cebu/balita/6-ka-npa-2-ka-sundalo-patay-sa-eastern-samar)