DAKO ang posibilidad nga sa Marso 2023 na ipahigayon ang poniliay alang sa Barangay ug Sangguniang Kabataan kini subay na usab sa mga naka-ung-ong karon nga balaodnon nga i-uswag ang orihinal nga petsa niini nga Disyembre 2, 2022.

Si Senator Imee Marcos kinsa mibisita sa Sugbo niadtong Sabado, Agusto 6, nagkanayon nga daghan ang mga misang-at og balaodnon nga i-dilatar kini og pipola lang ka buwan.

"Although some sectors are saying na ipaubaya muna, the last thing we need have just gone through a rather bitter election let's say and we're trying to put things together and conduct yet another village election," matod sa Senador.

Dugang niini nga sa iyang orihinal nga bill, Marso sunod tuig usab ang iyahang gibutang nga bag-ong petsa, "My original bill stated March 2023 but it was mooted and determined that it should be earlier."

"Yung iba naman nagsasabi na gawin na ngayon because ang bagong administrasyon kailangan ng fresh mandante maski sa ground level sa barangay level."

Uyon hinuon ang Senador nga i-uswag kini apan dili kaayo padugayon tungod kay daw nakadawat sila og taho nga aduna'y SK nga wala na masulod sa kwalipikasyon.

"Pwede, pero huwag nating masyadong i-postpone. Alam natin yung ibang SK nag-graduate na, hindi na nakatira sa kanilang mga barangay, hindi na mahanap kasi nag-aaral, nagtatrabaho na sa ibang bansa eh hindi naman tama yun kasi hindi nila magampanan and there are no youth sector representative as a result."

Dugang sa presidential sister nga gitun-an usab karon ni Presidente Ferdinand "Bongbong" Marcos Jr., kon unsa ang desisyon niini sa maong piniliay.

"What I know is that he is studying the option of December or March, because there several lobbies suggesting that we do it right away and there are others on the other hand that we need a little breathing space, so wala pang decision."

Source: Sun.Star Superbalita (https://www.sunstar.com.ph/article/1937117/superbalita-cebu/balita/barangay-sk-elections-possible-sa-marso-2023)