Nadakpan na sa Disaster Risk Reduction and Management Office (DRRMO) sa lungsod sa Argao ang unggoy nga nakabuhi gikan sa Natures Park sa naasoyng lungsod.

Kini maoy gipahibaw ni Kent Rizon, pangu sa DRRMO Argao sa Superbalita Cebu sa Hunyo 23, 2022.

Natambalan na usab ang duha ka mga indibidwal nga gi-paak sa maong hayop.

Gi pasidan-an sa DRRMO ang mga residente nga magbinantayon ug mo sumbong sa buhatan o sa Lokal nga kagamhanan kon dunay masigpatan nga mga hayop nga nakabuhi.

Pahimangno ni Rizon nga dili samokon o sungugon ang maong mga hayop aron kalikayan ang pagpamaak niini. (ANV)


Source: Sun.Star Superbalita (https://www.sunstar.com.ph/article/1932824/superbalita-cebu/balita/nadakpan-na-ang-unggoy-sa-argao)