Mga opisiyal sa Department of Health sa Central Visayas (DOH 7) niingon nga adunay posibilidad nga ang Omicron sub variant B.2.12.1 nakasulod na sa rehiyon partikular na sa Sugbo.

Sila si DOH 7 Director Jaime Bernadas ug Chief Pathologist Dr. Mary Jean Loreche nipadayag sa samang opinyon human ang maong sub variant bag-o lang na-detect sa Western Visayas, partikular sa Iloilo City, ingon man sa National Capital Region (NCR) ug Puerto Princesa.

“Yes, it’s possible because we have opened our borders,” matod ni Bernandas sa SunStar Cebu niadtong Biyernes, Mayo 20, 2022.

“The declaration of community transmission in an adjacent province w/o border controls is the possibility. All others are a consequence [of what we used to be doing now such as non-compliance of minimum public health standards,” siya nidugang.

Si Loreche, sa usa ka buwag nga pakighinabi sa sayo pa, niingon nga ang tinubdan mahimong usa ka langyaw nga nasyonal, usa ka returning Filipino, o usa ka overseas Filipino (OFW) ug bisan ang mga domestic nga biyahero.

Matod ni Julius “Jayjay” Neri Jr., general manager sa Mactan Cebu International Airport Authority (MCIAA), dunay mga direktang biyahe gikan ug paingon sa IloIlo City, apan dili siya makahatag sa eksaktong gidaghanon sa flights matag adlaw.

Hinuon, si Loreche niingon nga walay kompirmadong kaso sa sub variant nga gitumbok pa sa Central Visayas.

“For now, we are monitoring our cases to see if there will be pockets of surges,” matod sa chief pathologist.

Dugang pa ni Bernadas nga hugot nilang gi-monitor ang mga kaso sa Covid-19 sa ilang influenza-like illness (ILI) surveillance ug pag-admit sa ospital.

Sa Huwebes, Mayo 19, ang datus gikan sa Cebu City Emergency Operations Center (EOC) nagpakita nga ang siyudad nakatala og unom ka bag-ong kaso sa Covid-19, nga nagdala sa kinatibuk-ang ihap sa aktibong kaso ngadto sa 22.

Aduna usab kini kada adlaw nga positivity rate o 0.85 porsyento sa 702 nga mga indibiduwal nga nasulayan niadtong Mayo 18.

Namatikdan ni Bernadas nga ang Omicron sub variant B.2.12.1 daling manakod susama sa unang Omicron, nga kasagaran mild ug walay sintomas.

“That’s why it’s easily transmitted to asymptomatic individuals,” ingon niya bisan kon ang intensity niini dili pa klaro apan nitataw nga ang mga grabe nga takod sa sakit na-report na.

Ang DOH hugot karon nagmo-monitor niini.

Source: Sun.Star Superbalita (https://www.sunstar.com.ph/article/1929747/superbalita-cebu/balita/omicron-sub-variant-hayan-nia-na-sa-cv)