Ang daily positivity rate sa kaso sa coronavirus disease (Covid-19) sa dakbayan sa Sugbo nagpabiling ubos ug naa sa threshold nga gitakda sa World Health Organization (WHO).

Si reelected Councilor Joel Garganera, deputy chief implementer sa Emergency Operations Center (EOC), nagkanayon nga kagahapon Mayo 22, 2022, ang positivity rate sa siyudad ubos sa one percent sulod na sa duha ka buwan.

Matod ni Garganera, luwas ug ubos sa five percent nga basehan sa WHO.

“Again, let us not be complacent. Kaya nato ni busa amping ug ampo kanunay,” matod ni Garganera.

Sa Sabado, Mayo 21, ang EOC nipaubos sa test sa 675 ka individuals ug upat lang ang positive sa Covid-19.

Kini nagtala sa daily positivity rate sa maong adlaw nga 0.59 percent nga nitahod sa active Covid-19 cases sa dakbayan ngadto sa 23.

Sa EOC’s data usab, nagpakita ang critical care occupancy rate sa mga ospital sa dakbayan nagpabiling ubos kaayo.

Samtang, ang gidaghanon sa barangay nga dunay kaso sa Covid-19 transmission nitubo ngadto sa 14 gikan sa 11 ka kaso sa Mayo 20.

Kini nagpasabot usab nga 66 ka mga barangay sa dakbayan waly record sa transmission sa virus.

Ang dakbayan sa Sugbo dunay 80 ka mga barangay.

Source: Sun.Star Superbalita (https://www.sunstar.com.ph/article/1929748/superbalita-cebu/balita/garganera-kaso-sa-covid-19-sa-cebu-city-nagpabiling-ubos)